Schorsch babbelt 
13.09.2019
Diesen Artikel
13.09.2019 05:00
Drucken Vorlesen Senden
Leserbrief
25

. . . finnds a nedd schäih, dasses dess Merlebescher Wabbe oan de Schdroos nimäi gäwwe dudd. Dess issde jo die goanze Johr glei ins Aach gfalle, woannde ins Ord noigfahrn bischd – aus Blume wars gemoachd unn hodd wäiklisch doll ausgsäh. Wie fer die meischde Sache, die wou schäih sinn, duschde dodefer äwwer Leid brauche, die sisch drumm kimmern douhn. Unn weils die in Merleboch alleweil nedd gäwwe dudd, siehd dess groad e bissel äibschd aus: Die Blume sinn weg, blouß noch Schdoa unn Erd.
 Jedz will jo de Seniorenbeiraad vunn Merleboch zusäh, dasses wärre e bissel woas fers Aach gäwwe dudd, oan dere Schdell. Die suche Leid, die wou dess in die Henn nemme unn oam Beschde dess Wabbe wäre aus Blume ploanze douhn. Do missese blouß gucke, dasse nedd oan die Falsche kumme: Wie die Feerder sällemols ehrn Kreisel nooch Krummoch naus oigseed häwwe, do warn jo e paar Schlawiner oam Wäik, die sisch do e Haschisch-Ploandaasch oirischde wollde.
 Sou woas brauchme nadierlisch nedd. Äwwer warum sollmenn sou e Gemoindewabbe nedd wäiklisch midd woas Nidzlichem oiploanze? In Merleboch iss jo veel Roud debei: do dehn sisch doch Tomaade oubiede. Roudriewe dehn a gäih, äwwer do guckd jo blouß de griene Schdengel raus.
 Fer die weiße Glocke kennd me jo die grouße Pilze nemme, diese neilisch in Feerd uffere Wies gfunne häwwe: Riesebowischde. Aus denne konnme doann Schnidzel mache.
 Orre me lessd dess goanz soi, midd dem Wabbe unn machd oafach e bundi Rawadd, woume oam Enn a woas ernde konn. Emol woas Gscheides mache gäije denn Fläschefraas, wäije dems immer wenischer Ackerboode gäwwe dudd. Goike schdadd Glocke – dess kenndme jo emol vesuche. Unn wer sisch drumm kimmern dudd, der derfs a behoalde orre vekaafe.
Bis zum Negschdemol,
eiern Schorsch

SOCIAL BOOKMARKS
13.09.2019 05:00
Drucken Vorlesen Senden
Ihre Meinung interessiert uns

Durchsuchen Sie unser Archiv!

SLK+MK_Magazine_Rectangle