Schorsch babbelt
05.10.2019
Diesen Artikel
05.10.2019 05:00
Drucken Vorlesen Senden
Leserbrief
33

. . . iss frouh, dass die kloane Eiseboahne in Feerd bleiwe douhn. Die Modellboahnweld dudd jo jedz doch nedd noch Risselse umziehe. Äwwer isch glaab schunn, dass do e paar Leid die Mussigg vumm Hoandkees gfalle iss, wiese dess oam Middwoch in de Ourewäller Zeidung geläse häwwe. Die Feerder häwwe jo schunn die goanz Zeid iwwerläigd, woase in die oald Tennishall noimache kennde, woann erschd emol die goanze Schiene hauß sinn.
 Immerhie felld dess oalde Jugendhoim näwwe de Käisch ball zoamme unn kennd enn neie Pladz gebrauche. Orre woanns oan de Feerder Noachd räijerd, kenndme denn goanze Ufflaaf do noi läije – blouß emol sou als Beischbeele.
 Es kennd a soi, dass die zwa Boijermoaschder schunn lengschd vehoanneld häwwe, ob nedd vielleischd die Bäikener ehr Bürgerhaus in die Feerder Tennishall noimache kenne. Enn grouße Unnerschied dehds jo nedd mache: Sou wie dess Bürgerhaus, desse in Bäikene baue wolle, laigd die Hall in Feerd jo a glei beim Schwimmbad. Unn seid die Oidriddskaade fer alle Schwimmbäder im Weschedzdoal zoamme gelde douhn, hehn die Bäikener Leid sisch nedd emol e neii kaafe misse.
 Äwwer jedz iss dess jo passee. Die Modellboahnweld bleibd in Feerd. Isch finns guud – unn hebb mehr vorgenumme, a wärre emol hiezugäih. Die solle jo nedd soache, dass die Feerder do koa Luschd druff häwwe. Äwwer isch kenn hoald a e paar Leid, die do oamol drinn warn unn doann zimmlisch wärr wärre rauskumme sinn.
 Dass die Eiseboahn wäiklisch immer fahrn dudd, woannse fahrn soll, dess gäihd hoald iwwer doin Veschdoand, woannde im Weschedzdoal wohne duschd unn alsemol mimm Zugg nunner noch Woinem fahrn willschd. Woann die in dere Modellschau als zwischdoisch emol doischsoache dehn, dass sell orre jener Zugg heid nedd fahrn dudd, doann dehd uns dess veel mäiner sou vorkumme, wie in de rischdische Weld. Äwwer dess koannme jo ennern – sou orre sou.
Bis zum Negschdemol,
eiern Schorsch

SOCIAL BOOKMARKS
05.10.2019 05:00
Drucken Vorlesen Senden
Ihre Meinung interessiert uns