Schorsch babbelt
19.07.2019
Diesen Artikel
19.07.2019 05:00
Drucken Vorlesen Senden
Leserbrief
58

. . . iss wärre do! Ledschd Woch hebb isch emol e Paus mache misse! Isch war sou denäwe, weilse jedz in Merleboch ehr Umgehungsschdrooß baue kenne, do hebb isch koan klare Kobb kadde. Wou isch doch seid Johr und Doach als wärre do driwwer schreiwe dou unn sou guud wie alle Doach in dem Merlebescher Schdau drinn schdäih – do hebb isch erschd emol hoamlisch in de Keller gäih misse unn e paar Schdunn gegroind vor laurrer Fraad!
 Unn es iss a glei alles besser worn! Seidem des Gerischd in Kassel soin Schbruch gsoad hodd, leefd dess doisch Merleboch schunn veel besser. Noja – jedz wouse die Schdrooß ausserumm endlisch baue derfe, missese a die Oamble im Ord niemäi sou iwwerzwäisch schalde. Die goanz Zeid häwwese jo Engschde kadde, dasses äijewndwoann emol koan Schdau gäwwe dudd unn ausgereschnd doann Oans vumm Loand orre Bund noochguggd, dess fer die Genemischung zuschdännisch iss!
 In Rimboch iwwerläijese jedz, woase mache kenne, woann alle Audos, die iwwer zwa Schdrooße vunn Merleboch kumme doann bei denne wärre zoammefahrn douhn. Do wärn die Karre sisch vor dem Kreisel bei Zodesboch erschd emol schdabble. Denn mussme doann wahschoinlisch sou grouß mache, wie denn Kreisel in Paris um de Triumpfbooche, damid die all doischbasse douhn.
 In Rimboch hääwese die Woch schunn emol ausbrowierd, wie groußme der Schdau im Ord wäiklisch wärn konn. Me muss jo uff alles vorbereid soi. Desdewäije häwwse oam Middwoch oan dere Oambel bei de Kron groad emol die oa Seid vunn de Schdrooß zugemoachd, weil do woas gschaffd worn iss – ohne dass oans die Audos unn Laschder drummrumm gewunke hehd.
 Me wolld hoald emol gucke, wie dess in paar Johr aussäh dudd, woann nixmäi vorwärds gäihd – unn dess hodd schunn Oidruck gemoachd. Vielleischd sollde die emol driwwer noochdenke, enn Tunnel unner Rimboch doisch zu baue. Die misse jo ball sousiesou es Ord uffgroawe, woannse die Vedolung nei mache – do dehd dess doch in oam hiegäih! Unn doann hehn die, die enn Tunnel wolle a ehrn Wille, hoald blouß oan Ord weirrer.
Bis zum Negschdemol,
eiern Schorsch

SOCIAL BOOKMARKS
19.07.2019 05:00
Drucken Vorlesen Senden
Ihre Meinung interessiert uns

Durchsuchen Sie unser Archiv!

SLK+MK_Magazine_Rectangle