"De Schorsch": Midd Mussigg iss nedd blouß de Hoandkees besser
De Schorsch machd oam Soamsdoach beim Feschd della Müsigg midd.
Weschedzdoal. De Schorsch hodd soi oaldi Rassel vumm Schbeischer geholld. Ich will heid zoamme mimm Hoiner – midd soinere Drummel – e bissel Mussigg mache bei uns uff de Gass. Wou doch im goanze Weschedzdoal dess Feschd della Müsigg iss. Dess hoddme sisch vunn de Fraonzouse oabgeguckd, die alle Johr uff de Gass Mussigg mache, woanns Summer wärd. Unn weil mer im Ourewoald souwiesou schunn sou halwe Froanzouse sinn, midd unsere Droddwaas, Schäslongs, Schooseeje, Fissemadennde unnsouweirre – ess „alla“ nedd vegässe –, basse mer doch do goanz guud midd dezu!
Moi Fra moand zwar, die oanzisch Mussigg, vunn dere isch woas veschdäih dehd, wär die uffem Brennkees – äwwer isch hebbs nochemol schdudierd: Bei demm Feschd della Müsigg konn jeder middou – egal, woasser uffem Inschrdumend konn. Unn wer koans hodd, dudd hoald woas singe! Desdewäije rassle unn drummle de Hoiner unn isch a emol die Gass owwenoi.
Mundart-Kolumne „De Schorsch“
„De Schorsch“ ist eine Mundart-Kolumne, die jeden Samstag in der Odenwälder Zeitung erscheint. Autor ist WNOZ-Redakteur Wolfgang Arnold, der im Odenwald aufgewachsen ist - und für den das Hochdeutsche in der Schule die erste Fremdsprache war. Als Kabarettist und auf der Fastnachtsbühne pflegt er das „Ourewällerische“ und setzt sich für den Erhalt und die Verbreitung der Mundart ein.
Schenner ouheern dudd sischs nadierlisch, wonn Leid Mussigg mache, die dess a kenne! Vunn denne sinn heid jo oinische im Weschedzdoal unnerwägs unn soije defer, dass de Summer glei de rischdische Kloang kriggd. Die Feerder häwwes goanz schlau gemoachd unn dess Feschd della Müsigg in ehrn Koannsmaikd noigebosseld. Uff die Ard häwwese heid middoach a schäines Feschdprogroamm, ohne dasse grouß Umuus demid häwwe.
Alla guud: Awwel hebbder genung geläse. Jedz gäihd er emol naus uff die Gass unn doud denne Musikoande zuhoische unn a gscheid kladsche. Orre besser noch: Machd sälwerd e bissel midd. Doann wärd der Summer a rischidsch schäi. Mer Ourewäller wisse doch: Midd Mussigg gäihd alles besser – nedd blouß de Brenn- unn de Hoandkees!
Bis zum Negschdemol,
eiern Schorsch
