"De Schorsch": Die Andrea Berg suchd Fahmoch uff de Loandkaad
De Schorsch iss baff dodriwwer, wie die Rodensteiner groad oabroame douhn.
Ourewoald. De Schorsch iss jo wäiklisch bladd, woanner siehd, wie die Rodensteiner midd ehrm Lied groad oabroame douhn. De Flori aus Fahmoch unn soin Kumbel Marcus aus Fränkisch-Krummoch sinn awwel in allenne Hiddparade vorne. Isch säh vor moine Aache, wie die Andrea Berg unn de Roloand Kaiser vor de Loandkaad hocke unn vezweifeld mimm Finger nooch Fahmoch suche!
Dodebei hehdme dess sisch jo denke kenne: Woann die Fahmescher woas ouloange, doann machese e groußes Ding drauß. Do mussme die oanner Woch blouß emol zum Kerweumzugg dord gäih, doann waasme, woas isch moan. Sou e Schau, wie dodebei uffgezoche wärd, do sinn die Uffdridde vunn de Helene Fischer Kinnergaade degäije. Woann die Rodensteiner emol uff groußi Tournee gäihn, kenne se imm Hinnergrund groad e paar Fahmescher Kerwewache doischlaafe losse – do kenne die Rolling Schdounns orre de Robbie Williäms midd ehrne Schous oipacke!
Mundart-Kolumne „De Schorsch“
„De Schorsch“ ist eine Mundart-Kolumne, die jeden Samstag in der Odenwälder Zeitung erscheint. Autor ist WNOZ-Redakteur Wolfgang Arnold, der im Odenwald aufgewachsen ist - und für den das Hochdeutsche in der Schule die erste Fremdsprache war. Als Kabarettist und auf der Fastnachtsbühne pflegt er das „Ourewällerische“ und setzt sich für den Erhalt und die Verbreitung der Mundart ein.
Alla guud: Dassme iwwer „Bella Italia“ singd, woannme aussem schäine Ourewoald kumme dudd, dodriwwer kenndme nochemol redde. Äwwer de Flori unn de Marcus häwwe jo „Wind im Haar“. Isch nemm emol ou, desdewäije, weilse sou hordisch wies gäihd aussem Sieden wärre zurick nooch Feerd wolle.
De Markus kimmt zwar vunn e bissel weirrer hinne im Ourewoald, äwwer sou Schbidzklicker, wies die Feerder sinn, kennd isch mer denke, dasse ball vor dess Krumescher Ordsschild noch e „Fränkisch“ moole. Doann woanns e goldeni Schallbladd gäwwe dudd, doann soll die schließlich beim Neijohrsempfoang in Feerd uffgehengd wärn, unnd nedd äijendwou hinnerm Gumpener Kreiz!
Bis zum Negschdemol,
eiern Schorsch
