"De Schorsch": Desdewäije iss Woinem ball sou wie Bielefeld
De Schorsch glaabd, dass zwische emm Ourewoald unn emm Badische e Grenz gezoche wärd.
Ourewoald/Bäigschdrooß. De Schorsch glaabd jo faschd, dass dess woas Polidisches iss: Seid die Griene in Hessen nimäi oam Regiern sinn, im Badische driwwe äwwer immer noch, wollese nimäi, dass die Leid aus denne zwa Länner zoammekumme. Uff alle Fäll soll koan Ourewäller mäi nunner oan die Bäigschdrooß unn doann weirrer noi ins Loand kumme. Oannerschd koann isch mer koan Roim druff mache, woas do groad vezabbd wärd!
Ougfoange hodds dodemidd, dass die Eiseboahn nooch Woinem nunner blouß noch ab unn zu fahrn dudd – wiese groad Luschd hodd. Unn ess Negschde iss jedz, das die sou veel Boahnhäif kriggd, dassde de beim Fahrn vorkimmschd, wie uffem Schoggelgaul unn de äijendwoan zwischennoi nimäi waschd, woude oam Oufoang hiegwewolld hoschd.
Alla häwwese die Leid souweid kriggd, dass alle moane, ins Badische nunner dehdme blouß mimm Audo kumme. Unn woas mache se awwel? Alle Schrdooße in die Rischdung zu. Vumm Saukobbtunnel wärnme äijendwoann garnix mäi heern: Bisse denn wärre uffmache, schdäihd der unner Denkmolschudz. In Bäikene wärd ball die Haubdschdrooß goanz uff links gezoche – unn wer moand, er kennd enn Schlenker iwwer Hebbrum mache, wärd bleed gucke, woannse dord erschd emol die Gass fer e paar Johr uffmache! Unn vunn Schdoanisch iwwer Goixe owwenoi kimmschde a nimäi!
Dess iss doann emol e Broandmauer zwischem Ourewoald unn de Bäigschdrooß, die ehrn Noame vediene dudd! Weilme will, dass die Leid uffheern, vumm Weschedzdoal unn vumm Iwwerwoald ins Badische nunner zu mache. Veel liewer wär denne, woann me mäiner Rischdung Ourewoald unnerwägs wär. Iwwer die Wägschaare orre ess Gumbener Kreiz owwenaus – schdadd die Weschedz owwenoi.
Isch glaab jo nedd, dass dess klabbe dudd. Äwwer waasmes? Vielleischd soachese im Ourewoald in oinische Johr iwwer Woinem ess Sälwe wie iwwer Bielefeld: „Dess dudds doch in Wäiklischkeid gardnedd gäwwe!“
Bis zum Negschdemol,
eiern Schorsch
