"De Schorsch": Ess Lärmfeier iss garnedd sou laud
Dess haasd äwwer nedd, dasses desdewäije dodebei ruhisch zugäih dudd.
Ourewoald. De Schorsch hodd sisch exdra Schdebbsel in die Ohrn gemoachd kadde, wierrer beim Lärmfeier war. Weil isch gedenkd hebb, woann dess schunn sou haaße dudd, doann wärd do beschdimmd enn mords Krawall soi. Äwwer oam Enn hodds do zwar gebrennd – äwwer die Floamme warn nedd laurrer wie schunschd als a. De meischde Krach häwwe die Leid gemoachd, die um dess Feier ausserumm gschdoanne sinn!
Vielleischd haasd dess jo a desdwäije Lärmfeier, weil awwel als sou enn Haufe Gedrummel iss, woann dess ougschdeckd wärd. Frieher häwwese midd demm Feier jo Alarm gäwwe, woann sisch Krawall ougeboahnd hodd unn äijwendwou heer Schlawiner umm die Eck kumm sinn. Do wars jo ender sou, dass die hoamlisch gezindeld häwwe, dasses vunn denne fremme Raiwer erschd emol koans middkrieje dudd.
Mundart-Kolumne „De Schorsch“
„De Schorsch“ ist eine Mundart-Kolumne, die jeden Samstag in der Odenwälder Zeitung erscheint. Autor ist WNOZ-Redakteur Wolfgang Arnold, der im Odenwald aufgewachsen ist - und für den das Hochdeutsche in der Schule die erste Fremdsprache war. Als Kabarettist und auf der Fastnachtsbühne pflegt er das „Ourewällerische“ und setzt sich für den Erhalt und die Verbreitung der Mundart ein.
Heid waas jeder schunn, dasses Feier gäwwe dudd, do isses Holz dodefer noch garnedd gsoammeld. Desdewäije muschde der woas oanneres ausdenke, woannde oannern Leid hoamlisch woas weiße willschd. Sou e Feier uffem Buckel fälld jo a nimäi sou uff wie frieher, wous schunschd noch faschd koa Lischd um die Haiser gäwwe hodd.
Äwwer dodefer dudds heidzudoach jo Händies gäwwe. Do konnschde iwwer oinische Buckel wägg uff de Schdell Alarm schloache, woanns äijendwou Umuus gäwwe kennd. Unn ess muss a koans middkrieje, wou dess eigendlisch nedd weiß wären soll. Außer nadierlisch, du bischd dabbedd genung, fremme Leid in doi Händie-Grubb midd noizunemme. Doann iss äwwer glei wärre Lärm – a ohne Feier. Äwwer dess iss schunn wärre e goanz oanneri Gschischd. Do duschde de doann als e paar Schdebbsel in de Ohrn wünsche.
Bis zum Negschdemol,
eiern Schorsch
