"De Schorsch": Wieme oam beschde oan die Bäigschdrooß kimmd
De Schorsch moand, dasses mimm Audo uff de Gass ball veel zu loang dauern dudd.
Weschedzdoal. De Schorsch iss jo oans vunn de wenische Moansleid, die bei de Weiwerfasnoachd in Feerd debei soi derfe. Dodebei hehn dess groad in demm Johr jo e paar mäiner Leid weiß wärn solle, woas die vumm Frauenbund do wärre vezabbd häwwe. Die losse dess nemlisch nedd oufach sou doischgäih, dass dess äiwisch unn drei Doach dauern soll, midd dere Umgehungsschdrooß. Alla häwwe die emol hiegeloangd unn gezeigd, wieme sou e Gass e bissel hordischer baue konn.
Woannme äwwer awwel emol luurn dudd, woas do groad sou lou iss, doann war bei dere Weiwerfasnoachd woas oanneres noch veel wischdischer: Die häwwe nemlisch a emol driwwer gebabbeld, wie me schunschd noch vunn Feerd noch Woinem kumme kennd, woann nedd mimm Audo.
Unn alleweil, wou ball die negschd Oambel bei Merleboch oigschalde wärd unn driwwenaus a nooch Hebbrum noi jedz Bauschdell iss, do mussme sisch wäiklisch enn Kobb mache, obb nedd alles oannere als uff die Schosee zu fahrn besser wär, woannme oan die Bäigschdrooß will.
Mundart-Kolumne „De Schorsch“
„De Schorsch“ ist eine Mundart-Kolumne, die jeden Samstag in der Odenwälder Zeitung erscheint. Autor ist WNOZ-Redakteur Wolfgang Arnold, der im Odenwald aufgewachsen ist - und für den das Hochdeutsche in der Schule die erste Fremdsprache war. Als Kabarettist und auf der Fastnachtsbühne pflegt er das „Ourewällerische“ und setzt sich für den Erhalt und die Verbreitung der Mundart ein.
Isch moan: Rischdung Woinem, woannde nedd iwwer die Klinger Häi owwenaus muschd, kenndme sisch wäiklisch iwwerläije, obbme nedd middem Paddelbood die Weschedz owwenoi rudsche dudd. Do muschde reduur zwar goanz aig paddle, wärschd äwwer immer noch hordischer unnerwägs soi, als uff de Gass im Schdau.
Unn wous doch in Linnefels unn im Schlierbescher Doal schunn sou Drache gäwwe dudd, isses a koan bleede Oifall, vumm schebbe Turm uff de Drumm aus owwenoi zu flieje. Woann de Wind garding schdäihd, kennd dess bis noch Bensemm naus loange.
Unn bei de Boijermoaschderfasnoachd in Merleboch hodds jo noch enn guude Roodschloach gäwwe: Oafach die Seilboahn vunn de Gaadeschau in Moanemm iwwers Weschedzdoal baue! Ess heerd sisch alles uff alle Fäll prakdischer ou als druff zu waade, dass die Boahn endlisch emol pinkdlisch unn in oanere Duur unnerwägs iss.
Bis zum Negschdemol,
eiern Schorsch
