"De Schorsch" wärd Gadderbu fer die Buckelroadfahrer
Weil jo awwel groad iwwerroal oan Zou oam oannern iss, damidd die wille Sai nedd die Schwoinesaach vebreide douhn, muss jo oans fer die Buckelfahrroadfahrer als die Gadder uffmache.
Feerd. De Schorsch wärd in Feerd emol frooche, obber bei dem Buckelfahrroad-Doach – orre Maundänbaik-Doach, wies neimorrisch haaße dudd – als Gadderbu middmasche därf. Alla Guud: In Wäiklischkeid hodd jo die Schäffin vunn de Feersder Schbarkass den Oifall kadde, wiese die Woch im Roodhaus dodriwwer gebabbeld häwwe. Weil jo awwel groad iwwerroal oan Zou oam oannern iss, damidd die wille Sai nedd die Schwoinesaach vebreide douhn, muss jo oans fer die Buckelfahrroadfahrer als die Gadder uffmache, damid die doischfahrn kenne unn nedd alle paar Schridd ouhaolde misse.
Do kenndme sisch jo e paar Pennisch vediene, woannme als Gadderkind ess Deersche uff- und zumache dudd. Doann häwwe die midd ehrne Rärrer koan Umuus unn die Sai bleiwe do, wouse soi solle. Alleweil schdäihd jo im Ourewoald wäije dere Saipeschd iwwerroal enn Zou. Do iss beschdimmd genung zu dou, dass die Fra Niklas vunn de Kass unn isch do a zu zwadd Ouschdellung finne – unn e paar mäiner Mädschen unn Buwe noch dezu.
Mundart-Kolumne „De Schorsch“
„De Schorsch“ ist eine Mundart-Kolumne, die jeden Samstag in der Odenwälder Zeitung erscheint. Autor ist WNOZ-Redakteur Wolfgang Arnold, der im Odenwald aufgewachsen ist - und für den das Hochdeutsche in der Schule die erste Fremdsprache war. Als Kabarettist und auf der Fastnachtsbühne pflegt er das „Ourewällerische“ und setzt sich für den Erhalt und die Verbreitung der Mundart ein.
Uff die Weis kumme vielleischd noch e paar oannern oalde Arde, sisch Pennisch zu vediene wärre zurick in die Kebb. Wer hehd gemoand, dasses wärre Gadderkinner gäwwe dudd? Doann laafe vielleischd ball wärre e paar Grodde unn Lauser rumm unn vedaale midde Koann die Worschdsubb vumm Medzger im Ord. Orre schaffe de Oalde middem Gscherr ess Middoagesse naus uff die Erwedd.
In Feerd sinnse uff die Ard weiß worn, oan woasme alles heidzudoach noch dezu denke muss, woannme sou es Roadduur mache dudd. Vunn wäije, im Woald iss koan Zoun! Sou veel Drood, wie do groad rummschdäihd wäije de Sai iss a fer enn Droodäisel faschd e bissel zu veel. Äwwer bei dem Buckelfahrroad-Doach oam 14. Juni wärnses hiebringe, dass dess zoammegäihd: ohne Hinnerniss in die Pedaale schdroamble unn uffbasse, dass koa Sau doischschlubbd! Midd orre ohne Gadderkinner!
Bis zum Negschdemol,
eiern Schorsch
