De Schorsch: Merleboch will die Audos wärre reduur holle
Ehrn Ordskern mache se zu ere Prachdmeile, damid emol nedd all blouß außrerrum fahrn douhn.
Merleboch. De Schorsch konn sisch jo noch entsinne, wieme in Merleboch oam Boahnhouf noch oikehrn hodd kenne. Do war jo sällemols ess Kneipsche, dess genau sou gehaaße hodd, wiemes sisch vorschdelle dudd. Dess iss schunn e paar Johr her, dass dess midd emm goanz aige Knall veschwunne iss. Awwel sinn die Merlebescher äwwer drou, dass do wärre woas hiekumme dudd, woume noigäih konn. Dess wärd zwar nedd goanz sou wärn, wie ess Kneipsche emol gewäse iss, äwwer Haubdsach, oann dere Schdell iss ball wärre e bissel woas oanneres als Schmodder unn oabgschdellde Audos.
Do konn oam jo doormlisch wärn, woannme guckd, wie die in Merleboch groad drourenne. Woannme do zuheern dudd, woann die ploane, doann kenndme moane, dass die aus ehrm Ordskern e oanzischi Prachdmeile mache, woann die goanze Audos endlisch iwwer die nei Bundesschdrooß ausserumm fahrm. Vumm Café oam Boahnhouf gäihds doann iwwer de grouße, gemiedlische Bladz midde Kaschdoanie nunner in die Oaldschdadd unn niwwer in de griene Park oam Hallgaade. Unn wer Luschd hodd, konn sisch zwischenoi uff de Alla-Hobb-Oulaag ausdouwe. Do konn moanschi groußi Schdadd nedd middhoalde!
Mundart-Kolumne „De Schorsch“
„De Schorsch“ ist eine Mundart-Kolumne, die jeden Samstag in der Odenwälder Zeitung erscheint. Autor ist WNOZ-Redakteur Wolfgang Arnold, der im Odenwald aufgewachsen ist - und für den das Hochdeutsche in der Schule die erste Fremdsprache war. Als Kabarettist und auf der Fastnachtsbühne pflegt er das „Ourewällerische“ und setzt sich für den Erhalt und die Verbreitung der Mundart ein.
Nedd, dass oam Enn die goanze Bricke unn Tunnels, midd denneme eigendlisch defer soije will, dass in Merleboch e bissel wenischer Verkehr iss, alloa unn velosse in de Loandschafd schdäihn, weil alle Leid wäije denne goanze Sehenswürdischkeide trodzdem in de Ord fahrn unn nedd uff de Umgehungsschdrooß außerumm. Do hehdme sisch jo oam Enn e schäines Ei geläigd.
Äwwer sou isses hoald: Woann zu veel Leid doisch de Ord fahrn, isses nix. Woannse äwwer doann wou oannerschd oannefahrn kenne, duddme alles, damid wenigschdens e paar wärre reduur kumme.
Bis zum Negschdemol,
eiern Schorsch
