"De Schorsch": Desdewäije häwwe die Merlebescher e Rieseroad
De Schorsch waaß, woas die dodemid unn dem neie Gewerwegebied wäiklisch vorhäwwe.
Merleboach. De Schorsch will emol aig hoffe, dass die Merlebescher ehr silwerne Glocke ball gfunne häwwe. Isch soach jo schunn loang, dass die groad die goanz Gäijend uff links groawe, weilse denke, dass dess Gscherr äijendwou ufftauche wärd – woannme blouß loang unn dief genung buddle dudd! Die Glocke häwwese jo sällemols im Dreißischjährische Kriesch sou guud vor de fremme Salldoade veschdeckeld, dassese sälwerd nimäi gfunne häwwe.
Unn seid die Gemoindekass als leerer wärd, gibbds in Merleboch oa Bauschdell noch de oanere, wouse in Wäiklischkeid nooch denne Glocke suche douhn. Unn sou enn mords Schloach, wies gedouh hodd, alse in dere Woch denn negschde Tunnel gschbrengd häwwe, glawisch, dasse loangsoam desdewäije e bissel uleidlisch wärn.
Mundart-Kolumne „De Schorsch“
„De Schorsch“ ist eine Mundart-Kolumne, die jeden Samstag in der Odenwälder Zeitung erscheint. Autor ist WNOZ-Redakteur Wolfgang Arnold, der im Odenwald aufgewachsen ist - und für den das Hochdeutsche in der Schule die erste Fremdsprache war. Als Kabarettist und auf der Fastnachtsbühne pflegt er das „Ourewällerische“ und setzt sich für den Erhalt und die Verbreitung der Mundart ein.
Desdewäije dudds jo a dess Johr bei de Kerwe ess erschde Mol e Rieseroad gäwwe. Vunn do owwe drauß kennese gucke, woume vielleischd schunschd noch nooch dem Silwer groawe kennd. Woannme erschd emol enn Iwwerblick hodd, konnme die Sach e bissel schradegischer ougäih! Do wärd beschdimmd die goanz Kerwe iwwer enn Ausguck vunn de Gemoinde im Rieseroad hocke und dess als korz ouhoalde, woanner goanz owwe iss!
Uff alle Fäll iss dess neie Gewerwegebied ess negschde, wou gebuddeld wärn soll, woann erschd emol die Umgehungsschdrooß ferdisch iss. Äwwer wer waaß: Oam Enn finnese in dem zwadde Tunnel wäiklisch die Glocke. Doann kenndme sisch dess jo nochemol iwwerläije – doann woann dess Silwer erschd emol nedd blouß im Wabbe, sondern a in de Gemoindekass iss, doann brauchme jo koa Gewerweschdeier mäi unn konn de Rimbescher unn de Feerder e loangi Noas mache.
Unn falls de Ausguck vumm Rieseroad aus die Glocke äijendwou finne dudd, doann iss souwiesou alles oannerschd. Vielleischd kennese die doann schunn oam Sunndoach beim Feschdzugg vornenaus droache.
Bis zum Negschdemol,
eiern Schorsch
