"De Schorsch": De Schorsch siehd ball de Woald vor laurre Beem nimäi
Ehr vezäilld, warumer bei dere Sach im Indernedd middmache dudd.
Feerd. De Schorsch siehd ball de (Oure-)Woald vor laurrer Beem nimäi. Wouse awwel doch alle Noas loang enn neie Boam äijendwou hieschdelle douhn. Äijendoans vunn de Feierwehr hodd emol im Indernedd dodemidd ougfoange – unn allweil dudd oans nooch emm oannern middmache: Erschd sälwerd enn Boam bloanze unn dennooch soache, wer als Negschdes drou iss. Derjenisch hodd doann zwa Doach Zeid, e Loch fer die Worzel zu buddle unn do enn Sedzling noizuhocke.
Noja, moan isch: Als besser, wie sisch enn Oamer midd Eiswasser iwwer de Kobb zu leern – orre woasses schunschd noch alles fer Fläi in dere Ard gäwwe hodd. Beem kenne oam Enn jo koan Schoade soi. Solldme moane. In Feerd in de Gemoindevedrärrung häwwese sisch doann äwwer schunn Gedoanke gemoachd – weil die jo a nominierd warn unn de Boijermoascher schunn emol glei e kloa Ebbelbeemchen besoigd hodd.
Bis dordhie wars guud. Dasser dess äwwer oan de Gass nooch Schdoamoch naus oibloanze wolld, dodriwwer hoddme noch emol noochdenke wolle. Nedd blouß, weil in de Neeh vunn Schdoamoch alles woas wie enn Abbel aussiehd, glei in de Kelder veschwinnd unn zu Woi wärd. Sou hordisch kennschde dess gääle Boand garnedd oan denn Schdoamm binne, wie do schunn alles gerobbd wär.
Mundart-Kolumne „De Schorsch“
„De Schorsch“ ist eine Mundart-Kolumne, die jeden Samstag in der Odenwälder Zeitung erscheint. Autor ist WNOZ-Redakteur Wolfgang Arnold, der im Odenwald aufgewachsen ist - und für den das Hochdeutsche in der Schule die erste Fremdsprache war. Als Kabarettist und auf der Fastnachtsbühne pflegt er das „Ourewällerische“ und setzt sich für den Erhalt und die Verbreitung der Mundart ein.
Äwwer vor allem gäihds drumm, dass do schunn e paar Beem schdäihn unn die vielleischd koa Luschd druff häwwe, dass do noch oaner dezu kimmd. Do sinn die Beem nemlisch wie die Leid: Woann denne oans in de Sunn schdäihd, wärnse groandisch.
Alla guud: Oam Enn häwwe die Feerder ehr Beemsche gsedzd – unn wahschoinlisch exakd gemesse, wouhie dess emol soin Schääre schmeiße dudd, woanns grouß iss. Weil zu veel Beem konns hoald nedd gäwwe, häichschdens äijendwoann emol zu wenisch, woann dess midd dem Klimawoandel sou weirrergäihd. Doann sinnme vielleischd frou um all, die bei dere Sach debei warn. Misch hodd zwar koans uffgerufe – äwwer isch mach trotzdem midd.
Bis zum Negschdemol,
eiern Schorsch
