„De Schorsch“: Desdewäije wärd in de Schul wärre mäine Babier gebrauchd
De Schorsch glaabd, dass die klaone Zeddel wärre kumme, woanns koa Händies mäi gäwe dudd.
Weschedzdoal. De Schorsch kennd sisch denke, dass ball wärre mäiner Babier in de Schul gebrauchd wärd. Wouse doch koa Händies mäi hou derfe. Do misse die Buwe unn Mädschen wärre uff die Ard midenoanner schreiwe, wie mers sällemols als gemoachd häwwe. Enn kloane Zeddel, der doisch die Reihe gäihd, oanschdell vumm Geschreibsel iwwer WoaddsÄbb.
Obbme desdewäije mimm Kobb nimäi sou aig wouoannerschd iss, woannme koa kloanes Hern mäi debei hou derf? Isch waases nedd! Wie isch uff die Schul goange binn, hodds noch koa Händies gäwwe – mehr häwwes äwwer a oannerschd hiegebroachd, emm Lehrer nedd zuzuhoische, woanns uns nedd denooch war.
Mundart-Kolumne „De Schorsch“
„De Schorsch“ ist eine Mundart-Kolumne, die jeden Samstag in der Odenwälder Zeitung erscheint. Autor ist WNOZ-Redakteur Wolfgang Arnold, der im Odenwald aufgewachsen ist - und für den das Hochdeutsche in der Schule die erste Fremdsprache war. Als Kabarettist und auf der Fastnachtsbühne pflegt er das „Ourewällerische“ und setzt sich für den Erhalt und die Verbreitung der Mundart ein.
Blouß midd denne Zeddel hoschde der bäis woas oifoange kenne – vunnere grouße Blamaasch biss zu e paar hinner die Leffel. Dess war nemlisch e bissl gfährlischer als heid dess Noachrischde mimm Händie schreiwe. Woann do blouß oan Dabbes nedd uffgebassd hodd beim Weirregäwe orre sälwerd zu noaseweisisch war: Sou schnell hoschde nedd geguckd, wie doin Zeddel beim Lehrer war unn de goanz Klass vorgeläse worn iss. Midd Daadeschudz war do sällemols nemlisch noch nix.
Woannde Glick kadde hoschd, sinn allminoanner dodebei blouß weiß worn, dassde disch mimm Hoannes unn emm Päirre nooch de Schul zu Bolze dreffe wolldschd. Ess hodd äwwer a basiern kenne, dass ess halwe Ord middoags gewissd hodd, dass du midde Marie gäih willschd. Unn woanns noch schlimmer kumme iss, hodd die schunn „Nein“ ougekreizd kadde, wie doin Zeddel vor allene Leid gezeigd worn iss. Doann häwwese a noch vunn doim Lieweskummer gewissd!
Alla er Schulkinner, douds eisch hinner die Ohrn schreiwe: Die Zeide wärn gfährlischer ohne Händie! Unn woannme oam e paar Gasseweerder mimm Zeddel doischs Zimmer schicke dudd, koans bassiern, dass derjenisch midsoamd dem Zeddel glei reduur kimmd unn dodriwwer babble will – nedd sou, wie woannme dess mimm Indernedd veschickd!
