"De Schorsch": Die solle in Hebbrumm ruhisch Faxe mache
De Schorsch moand, dassme um normale Sache nedd sou aig Wind mache muss.
Hebbrumm. De Schorsch hehd jo ums Hoar woas Iwwerzwäisches in soi Telegraafe-Oulaach gemorsd – vor laurrer Schreck, wierrer geläse hodd, dasse korz devor warn, im Loandraadsoamd in Hebbrumm ess Faxgeräd oabzuschaffe. Do bleibd oam jo gladd de Finger in de Wählscheib vumm Telefon schdecke, woannme debai iss, emol bei de Zeidousaach noochzuhoische, wieveel Uhr dasses iss. Weilme moand, dass die Poschdkudsch schunn lengschd do soi hehd misse unn me weiß wärn will, woann im Fernseher ess Testbild endlisch uffheerd!
Äwwer emol ohne Udzerei: Isch muss alsemol lache, woannse sisch uffem Oamd dodefer uff die Schuldern klobbe, dasse nimäi im voische Jahrhunnerd läwe douhn. Heidzudoach issme jo wäiklisch nimäi de grouße Madschoores, blouß weilme Indernedd dehoam hodd. Isch wink jo a nedd uff die Gass naus und kreisch: Guckd all emol heer – moi Haisel hodd e Fenschde, desse me uffmache unn nausgucke konn!
Mundart-Kolumne „De Schorsch“
„De Schorsch“ ist eine Mundart-Kolumne, die jeden Samstag in der Odenwälder Zeitung erscheint. Autor ist WNOZ-Redakteur Wolfgang Arnold, der im Odenwald aufgewachsen ist - und für den das Hochdeutsche in der Schule die erste Fremdsprache war. Als Kabarettist und auf der Fastnachtsbühne pflegt er das „Ourewällerische“ und setzt sich für den Erhalt und die Verbreitung der Mundart ein.
Alla: Moanschmol vielleischd nedd sou veel Brimboores umm Sache mache, die alleweil oafach normal sinn. Unn sou schnell wies heidzudoach nooch vorne gäihd midd dere Teschnik, hoschde disch noch nedd rischdisch veguckd, do iss dess schunn wärre oalder Schmodder, woasde groad als dess Allerneischde ougepriese hoschd!
Äwwer groad weil alles sou hordisch gäih dudd heidzudoach, derfme a die Leid nedd vegässe, die nedd sou schnell hinnenooch kumme. Moansche kenne hoald blouß faxe – unn nedd mäile orre tschädde! Me hodd jo a nedd die Kerze oabgschaffd, wies die elekdrische Loambe gäwwe hodd. Desdewäije solle die in Hebbrumm ehr Faxgeräd behoalde – isch sedz glei emol e Telegroamm oab, dasse dess weiß wärn!
Bis zum Negschdemol,
eiern Schorsch
